Aisi hi  sard sham thi wo, sad dard bhari shayri

Aisi Hi Sard Shaam Thi Wo Bhi

Jab Wo Mahandi Rachaaye Haatho Main

Apni Aahat Ke Khauf Se Larazaa

Surkh Aanchal Main Munh Chhipaaye Hue

               Apne Khat Mujh Se Lene Aai Thi 

Us Ki Sahami Hui Nigaaho Main

Kitni Khaamosh Iltijaaye Thin

Us Ke Chehre Ki Zard Rangat Main

Kitni Majabooriyon Ke Saaye The

Mere Haathon Se Khat Pakadte Hi

Jaane Kya Soch Kar Achaanak Wo

Mera Shanaa Pakad Kar Roi Thi

Us Ke Yaaqut Rang Honthon Ke

Kapkapaate Hue Kinaaron Par

Saikdon Ankahe Fasaane The

Sard Shaamo Main Der Tak Aksar

Jab Ye Manzar Dikhaai Deta Hai

Ek Lamha Hinaai Haathon Se

Mujh Ko Apni Taraf Bulata Hai

Hamnashin Ruth Kar Na Jaa Mujh Se

Aisi Hi Sard Shaam Thi Wo Bhi.....